As Viaxes de Castelao

Precio: GRATIS Categoría: Educación Sin valoraciones Fecha publicación: 6 junio 2016

Empresa: Creappcuentos S.L Tamaño: 125.59 MB Versión: 1.0 Tipo de app: iPad

Descripción

No ano 2016 o Servizo de Cultura e Lingua da Deputación de Pontevedra sumouse á celebración do “Ano Castelao”. A Real Academia Galega de Belas Artes decidiu dedicarlle a Castelao o Día das Artes Galegas, polo que dada a vinculación deste artista, político e escritor coa provincia de Pontevedra e en especial coa súa capital, motivou á Deputación a levar a cabo un programa de actividades culturais na súa honra.

A aplicación educativa “As viaxes de Castelao” xorde dentro deste contexto coa finalidade de achegar a figura de Castelao dunha maneira lúdica e didáctica aos máis pequenos e pequenas. Esta app vai permitir, dende calquera lugar do mundo, crear e compartir contidos xerados a través da propia aplicación, como quebracabezas, audio-contos, contos e postais que logo se poderán imprimir.

Unha ferramenta para coñecer e aprender xogando sobre a vida e viaxes de Castelao!